Գիտակ բժիշկ, առողջ մարդիկ

1988-ի երկրաշարժից անմիջապես հետո ԱՄՆ Հայ համայնքի երեք ակնառու անձանց ` Գևորգ Հովնանյանի, Էդգար Հովսեփյանի և Արքեպիսկոպոս Թորգոմ Մանուգյանի շնորհիվ ստեղծվեց Հայ Օգնության Ֆոնդը (ՀՕՖ): Հաջորդած ամիսներին ու հետագա տարիներին Հայ օգնության ֆոնդը զգալի ուշադրություն դարձրեց Հայաստանի առողջապահության համակարգի բարեփոխմանը:

1996-2000 թթ. ընթացքում ԱՄՆ առաջատար կլինիկաներում 90-ից ավելի հայաստանցի բժիշկներ վերապատրաստվեցին, ովքեր 2000 թվականին հիմնեցին «ՀՕՖ բժշկական շրջանավարտների միավորումը» (ՀՕՖ ԲՇՄ-FARFAA):

2003-ից ՀՕՖ ԲՇՄ և Ավստրո-Ամերիկյան հիմնադրամի Բաց հասարակության ինստիտուտը համատեղ իրականացնում են Զալցբուրգի միջազգային բժշկական սեմինարներ ծրագիրը (Հայաստանում համակարգումը):

2005 թ. ՀՕՖ և ՀՕՖԲՇՄ համատեղ համագործակցությամբ սկիզբ դրվեց ՀՀ մարզային բժիշկների Շարունակական բժշկական կրթություն (ՇԲԿ) ծրագիրը:

Վերոնշյալ ծրագրին կարող են մասնակցել ՀՀ մարզերում աշխատող բոլոր բժիշկները: Այս ծրագիրն անվճար է, մասնակիցներին տրամադրվում է կեցության հնարավորություն և կրթաթոշակ (մանրամասn տեղեկությունների համար այցելել ՀՕՖ առողջապահական ծրագրերի կայք՝ http://www.farcme.am/ ):

2011 թվականին «Ամերիկայի հայ առողջապահական մասնագետներ» կազմակերպության հովանավորության շնորհիվ հնարավոր դարձավ այս ծրագրում ընդգրկել ավելի շատ թվով բժիշկներ Լեռնային Ղարաբաղից և Ջավախքից:

ՀՀ և ԼՂՀ հիվանդանոցներին բժշկական սարքավորումների տրամադրումը ՀՕՖ բժշկական ծրագրերի կարևոր բաղկացուցիչներից մեկն է: 2005-2013 թթ. ընթացքում ավելի քան 30 ՀՀ շրջանային և ԼՂՀ հիվանդանոցներ, ինչպես նաև մոտ 15 հիվանդանոցներ Երևանում ստացել են բժշկական սարքավորումներ ու պարագաներ:

Համաժողովները, գիտաժողովները  և դասընթացները նույնպես ՀՕՖ բժշկական ծրագրերի հիմնական գործառույթներից են:

Հարցեր, պատասխաններ, մեկնաբանություններ